يا بو فاضل زينب غريبة تصيح يابو فاضل بلا كافل
أسفي عليك تروح و ما راحت بعدها ضعوني سهم عيونك مو أشد من هالجرح بعيوني
أنا لو ظنيت البشر كلهم بعد ينسوني ترى نسيانك ليه ما كنت احسبنه ظنوني
مشى صبري بعكس اتجاه الريح يا بو فاضل بلا كافل
يا بو فاضل زينب غريبة تصيح يابو فاضل بلا كافل
أنا ظميانه و ما شغل قلبي انتظار القربة وحياتك كنت انتظر نظرة أخويه و قربه
ولا أدري يحس بالعمد راسه انفظخ لو قلبه اذا قالو هاذي الي خلاها أخوها
ولا تحتاج الغربة للتوضيح يابو فاضل بلا كافل
يا بو فاضل زينب غريبة تصيح يابو فاضل بلا كافل
على عتبي تقول اعذريني راحت مني الايدين ولا تتخيل حالي مثلك و اصعب يانور العين
اذا قطعوا منك اليسار وقبله انقطعت اليمين انا قطعوا مني العباس وقطعوا من بعده حسين
على حالي دموع الجماد تسيح يا بو فاضل بلا كافل
يا بو فاضل زينب غريبة تصيح يابو فاضل بلا كافل
ولو انك فوق الثرى وجسمك يخويه مرمل بعد اتوجه لي بشعورك واستمع و اتأمل
أنا يوم الي عفت الوطن بيدك عدلت المحمل و إذا صار الحين الشمر حادي الظعن تتحمل
محد اتحمل مثلي هالتجريح يابو فاضل بلا كافل
يا بو فاضل زينب غريبة تصيح يابو فاضل بلا كافل
جرح براسك ذكر احساسي بعلي و الطبرة وجرح بعينك يشبه اللطمة الي في عين الزهرة
بعد اشلون اجروحي عقب إلي اشوفه تبرى أنا رديت أفقد أبوي وأمي فوق الغبره
أمل في قلبي شما رفعته يطيح يابو فاضل بلا كافل
No comments:
Post a Comment